Welcome - Nplooj Txais Tos
Welcome to Xiong Cultural Homepage
|
Lus Cev:
Kuv , Nyiaj Nkaub Xyooj, tsis yog ib tug paub Hmoob kab lis kev cai pam tuag tab sis vim tej laus dua toj lawm zuj zus peb tseem yuav siv cov kev cai no mus lawm tom ntej yog li kuv thiaj tau nrhiav sij hawm los mus teeb cov kab lis kev cai no rau cov hluas tom qab los yog yav tom ntej tau kawm , ho khaws qee yam zoo coj mus siv .
Cov kev cai hauv no tag nrho
yog kuv kom tus txiv hlob Txooj Pov Xyooj thiab tus txiv ntxawm Nom Hawj Xyooj nkawv ob tug laus uas yog ob tug paub txog peb tsev neeg txoj kev lis kev cai los mus piav thiab kuv thiaj li tau muab los mus teeb tseg rau hauv no kom tej tub ki tau kawm khaws siv lawm tom ntej.
Cov kab lis kev cai hauv no tsuas yog teeb siv los ntawm peb tsev neeg Hmoob Xyooj thaum ub nyob Moos cab, Paj Doo thiab Khas Kawj Khas muaj xwb, vim cov kwv tij ib leeg nyob rau ib lub teb chaws lawm, yog muaj tej qho ho teeb los yog piav txawv me ntsis tsis sib raug los sau ntawv sib qhia tsis tas li ntawv peb cov kev cai no txhua yam tej laus tsis tau muab teev ua ntawv tseg , cov tom qab no ua raws li tej laus ua thiab pom xwb ces ib tug mus nyob lawm ib lub zos tej qho me me yuav hloov mus raws lub caij nyoog kom vam meej los yog yooj yim tuaj ces qhov no yuav yog qhov txawv lawm, piv xam li yav thaum ub peb muaj kev mus tswm tshav los yog tawm nras rau nraum zoov , nyob rau tam sim no cov mus nyob txawv teb chaws ces yoog raws nom tswv txoj cai lawm , kev tua tsiaj loj rau txog hnub sam sab yuav tsis tawm nras los yog tswm tshsav lawm tsuas ua txoj kab lis kev cai kom tiav tag hauv tsev ces txog caij mus ces cia li coj tus qauv tawm mus lawm xwb. Nov yog ib qho ntawm qhov txawv zog yav tag los lawm. Txawm li cas los peb yeej yog tib tsev neeg tib tsob xwb qhov no peb tsuas yog ua yoog nom tswv txoj cai mus lawm xwb..Nyob qhov twg ua raws li qhov ntawv xb nawb cov kwv tij.
Muaj lus dab tsi sau ntawv rau kuv Nyiaj Nkaub Xyooj tau ntawm:
kaousatoday@yahoo.com
Ua tsaug.
Comments
Post a Comment