Coj Tus Tuag Mus Tawm Nras Los Yog Mus Zais

 

   Kev Coj Tus Qauv Mus Tawm Nras Los Yog Mus Zais

Peb tsev no  yog 1 tsev Hmoob uas thaum muaj ib tug twg tag sim neej lawm yuav muab tus qauv coj mus tawm nras yog tias tsev neeg muaj tsiaj coj los tua rau tus tag sim neej.  Kev tawm nras no yuav ua raws li nram no:

Qhia Kom Paub 1: 

Nyob Teb Chaws Mes Kas

     - Nyob Rau Teb Chaws Mes Kas , peb tua nyuj twm rau tus tag sim neej no ces cia li ntawg rau hauv tsev xwb tsis muaj muab kwv mus tawm nras lawm vim nom tswv txwv tsis pub suav daws coj ib tug qauv twg mus tswm tshav es tua nyuj tua twm rau nram tus tswg. Puas tsawg tus nyuj twm uas tub nyab tua rau ces suav daws mus tua nram tsev tua nyuj coj lub txiv ntswg los ntawg rau tus tag sim neej lawm xwb. Qhov no tsis tau txhais tias cov nyob Mes kas teb ua dab qhuas txawv cov nyob Nplog teb, tej lub teb chaws qee yam kev cai ces peb yuav tau yoog nom tswv txoj kev vim luag tsis pub peb ua tau li peb ib txwm ua los. Tab sis: kev coj tus qauv tawm mus zais ces poj niam txiv neej los tseem ua raws nraim nqi 1 thiab nqi 2 nram no.

Qhia Kom Paub 2: 

Nyob  Rau Teb Chaws Nplog

   - Kev coj tus qauv mus tawm nras tseem coj li qub tag los uas seb tua tsawg tus tsiaj rau tus tag sim neej ces yuav tau ua cov tswg nyuj txhos rau nram tiaj , khi nyuj rau nram qhov chaw coj tus qauv mus tawm nras, tshuab qeej cob nyuj los yog twm rau mam tua. Tos txog ib hnub tav su dua mam li coj tus qauv mus zais lawm xwb.

                     Cov Khoom Npaj Ua Ntej Coj Tus Qauv Mus tawm Nras

Seb tua tsawg tus nyuj twm ces yuav tau npaj cov tswg rau ntawm qhov chaw tawm nras, tab sis qhov no yog cuab tsav, muam phauj, dab laug, cov cuas nyab , cuas ntxhais lawv hauj lwm lawm.

2 tug tiag tus nees los yog khuam tus nees ntawm chaw tawm nras tus ntawm taub hau thiab tus ntawm ko taw - Qhov no yog tshwj kab  hauj lwm lawm....

Peb cia li tawm nras tus qauv ziab tshav xwb - tsis muaj txiav cov ntxhoo los yog ua 1 lub yis nqeeb yis tauj coj los khwb rau tus tag sim neej li lwm xeem neeg.

1 Tug ntxhoo coj los dai lub nruas. -(Txiav ib tug ntoo kom luaj caj npab los yog yau zog me ntsis tseg li 2 los yog 3 ceg nrog coj los txhos dai lub nruas thiab tej txiv qeej ho tau khuam lawv cov nqaij rau ntawm tus ncej los yog tus ntxhoo no)..Qhov no yog txiv qeej hauj lwm.

           Thaum Coj Tus Qauv Tawm Hauv Tsev

Ø 1. Yog tias tus txiv neej ces thaum txog ntawm qhov rooj tag nres me ntsis: Muab 3 xib xub uas nrog rab hneev nti coj los tua 3 teg raws li daim duab hauv qab no tag ces kwv tus qauv tawm mus lawm xwb. 

Ø                            Duab Piv Txwv

Ø 2.  Yog tias tus tag sim neej no yog tus poj niam ces yuav tau ncaws tsaig. Kev ncaws tsaig no yog siv thawj lub puab tsaig npua ntawm tus npua nce nees coj los siv rau. Txua ib lub rooj 3 tug ceg raws daim duab tom no coj mus txawb ntawm qhov rooj tag ces muab sab puab tsaig npua no tso rau sauv - Muab Lub Puab Tsaig Npua no Tso Tig Raws Li Tus Qauv thaum xyab hauv tsev. Lub sij hawm coj tus qauv txog ntawm qhov rooj tag kom tus txiv qeej uas tshuab qeej ua ntej ncaws kom lub rooj thiab lub puab tsaig npua no vau hlo rau sab qhov rooj sab rov nrauv

Ø 

Ø             Lub Rooj Tso lub puab tsaig npua

          ______________________________________________

 

 Ntim Su Rau Tus Tuag Thaum Mus Zais:

Ø Xaws ib lub hnab me me  ntaub dawb muab xaws rau ntawm tus 

ttuag lub ntiag tsho

Ø Yog tus txiv neej:      Ntim ib lub txhuv rau hauv xwb

Ø Yog tus poj niam:  ces  ntim ib lub txhuv thiab ib ya ntxhuv

Txhais Lus: 

Tawm Nras:  Thaum hnub uas coj tus qauv los yog tus tag sim neej mus zais tab sis tsev neeg muaj tub nyab tua nyuj tua twm rau ces yuav kwv tus qauv coj mus tso nraum zoov, txhos ob tug ntoo khaub lig rau ob sab muab tus nees coj mus khuam rau sauv los yog zwm rau lub hleb ces muab lub hleb mus txawb rau ntawm qhov chaw yuav tua nyuj qhov kev cai no hu tias: Tawm Nras

    Nplooj No Tag Li No Xwb -  End Of This Page 

______________________________________________

                        Nias Nov Rov Mus Nplooj 1 - Loj