Short Pratice

Txheej Txheem Lub Ntees:             

     Need   

·         Tus txhib ntawg (Siv tas pov rau tim lawm xwb tsis siv ntxiv lawm)

·         , (Thaum mus tawm tshai nqa ib qho mov..ib taub dej mus rau ntawm ntxa hu kom tus tag sim neej nws sawv los muab dej ntxuav muag, muab mov noj lawm xwb, txhob ua txim thiaj yooj yim rau lub neej tshiab tam sim no)

____________________________________________________________

·         Rab Hneev & 1 Xib Xub (Thaum txog tim ntxa): Nrhiav ib tug qhua sab nrauv tua thaum Txog tim ntxa lub sij hawm muab tus qauv tso kiag hauv qhov ntxa.:

·             Cov lus hais:   Aub.kuv tua no mas tuab mob tua ntsaj tua kev ploj kev tuag tua kua muag iab kua muag daw kom mus poob rau ntuj to qab teb to qhov txij no musk om ntsej tsis hnov muag tsi pom auv..ces tua kiag mus xwb. Saib tej qho tsis muaj neeg tsam ho tua rau neeg)

 

CovTsiaj Siv:

·         Tus Qaib Rau Ncoo (Siv Tus Lau Qaib xwb txawm tus tag sim neej yog poj niam lost xiv neej kuj xij)

________________________________________________________________

·         Tus Npua Tsa Nees (Siv tus maum Npua xwb txawm tus tag sim neej yuav yog poj niam txiv neej los xij)

·         Tus npua tsa nees no peb yuav siv lub puab tsaig coj los ncaws tsaig thaum kwv tus qauv tawm ntawm qhov rooj mus (yog tus tuag no yog tus poj niam) yog li ntawv peb thiaj yuav tau tua 2 tug npua.

·         Tus npua thib 2:  tus npua 2 no tua los es yuav muab lub puab tsaig npua no nrog co nqaij rau tus taw ke yog li peb thiaj tua ob tug npua.

Hu Plig Thiab Qe

·         3tug qaib hu plig (Marny lub ntees no siv txiv taw ke, thiab ob tug txiv qeej xwb peb siv  3 tug qaib hu plig xwb )

·         4Lub Qe  : 1 lub los rau txiv taw ke laig dab

·                          3: Lub hu txaw ke plig, thiab txiv qeej plig

Hu Tsev Neeg Plig thaum hnub kawg yuav tawm hauv tsev:

-     5-6 lub qe

-     1 taig ntxhuv

-     3 tswm xyab

-     Nrhiav ib tug laus los hu tsev neeg plig es muab tais txhuv qe nrog cov xyab thiab cov qe no rau tsev neeg nqa mus tsev.

           

Tus Cuab Tsav Hauj Lwm:

1.    Ntawg tus nees rau tus qauv thaum nce nees

2.    Ntawg tus npua sa nees

3.    Ntawg tshai

4.    Ntawg su

5.    Ntawg hmo

6.    Ntawg cov ntawv hlawv

7.    Haws plig

Txog Tim Ntxa

8.     Ua suav huas: Cov lus hais li no:

(Tuav tus txhib ntawg taw rau cev khaub ncaws ces hais lus xwb tsis siv riam los hlai li lwm tsev neeg:)

Aub ..yog suav huas koj khau koj tias koj khau ntuag, suav huas koj tsho koj tias koj tsho ntuag, suav huas koj tiab koj tias koj tiag ntuag no nawb (Tag lino )

________________________________________________

9.    Saib Vam Saib Khib: Muab lub hleb qhib kaw hais cov lus ua zaum kawg rau tus tag sim neej ua ntej yuav kaw nws lub hleb hais li nram no:

(Saib Vam, Saib Khib, Saib ntuj kag, saib ntu hu, saib kev nom kev tswv, tag nrho koj ib sim neej nawb mog..-(hais tus tuag lub npe….) kaw hleb rau ces faus nws

lawm xwb.   (Nyeem Nplooj txuas ntxiv..)

Teem Tshais:

(Thaum faus av ua lub ntxa tag lawm tus cuab tsav los mus teem tshais hais li nram no:

 

…(Hais tus tuag lub npe)…..1 hlis 30 hnub 1 hnub 30 nyoog

·         1 tsuag 13 hnub koj muab 10 hnub mus xib dab 3 hnub nyob hauv tsev tos niam txhiab txiv yuav xa ntshais tuaj rau koj noj nawb mog….(Tag li no)

________________________________________________________

 

Txheej Txheem Kev Ntawg :

 

Ntawg Tus Nees:

  (Ntawg tus neeg rau tus tuag thaum txiv qeej tshuab qeej nce nees los yog tsa nees txog nrab es yuav muab tus neeg rau tus tag sim neej)

·       Ntawg Tus Nees: (Teev cawv rau lub Khob)

·         (Hais lub npe…..)Tuav 3 txoj cawv rau koj haus tag tso yuav coj koj mus nce nees txaij  nees nraug nob tos...

·         Ø 1 Txoj yog koj cawv koj txais koj tau nob tos..( ces ntaus tus txhib ntawg- xyeeb tus ntxhib ntawg rau pem tus tuag- Yog ib sab ntxeev ib sab khwb ces lees lawm tuav khob cawv thiab koj yom rau tus tuag tias): Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg nob tos..(Tag txoj caw 1)

·         Ø (Hais tus tuag npe) 1 txoj tag 2 txoj los yog koj cawv koj txais koj tua nob tos(Rov ntaus txhib tawg kom ib sab ntxeev ib sab khwb dua , yog lees lawm ces rov hais dua tias: ): Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg nob tos..(Tag txoj caw 2)

·         Ø (Hais tus tuag npe)2txoj tag 3 txoj los yog koj cawv koj txais koj tua nob tos(Rov ntaus txhib tawg kom ib sab ntxeev ib sab khwb dua , yog lees lawm ces rov hais dua tias: ): Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg nob tos..(Tag txoj caw 3)

·         Qhov Kawg: (Hais nws npe…)Tuav 3 txoj cawv rau koj haus tag lawm..Kuv cob koj nees rau koj,,,, koj txais koj tau nob tos..(hais tus tuag npe..) ntaus ntxhib ntawg  dua..yog lees lawm ces ce cawv cob txiv qeej txiv nruas ua tshuab qeej nce nees ntxiv mus.

·          

       Ntawg Cob Tsiaj

(Txhua zaus ntawg nco ntsoov ua 3 txoj caw rau nws ib yam nkaus:)

Ntawg cob tus npua tsa  nees (Tus Cuab  yog tus ntawg)

                  Hais Cov Lus Li Nram No:

Ø . Nim nob os...!(Tuav Tus Tag Sim Neej Lub Npe).. Tuav 3 Txoj cawv rau koj haus tso yuav muab 1 ncos tsiaj ua koj yaig koj luag ..Koj txais koj tau nob tos...(Ces ntaus tus txhib ntawg ib sab qhib ib sab khwb) ces yog lees lawm.

Ø Qhia Kom Paub: Yog tias ob sab khwb los yog ob sab qhib tag nrho ces tus tuag tsis lees koj yuav tau hais li no ntxiv:

         =Poj kab yawg kev mus li tsis tim yig nob tos...(thaum koj hais ces koj tuav tus txhib ntawg yom rau tus uas tag sim neej ntawv), tag ces rov ntaus koj tus ntxhib ntawg dua kom ib sab khwb ib sab qhib ces thiaj yog nws txais lawm.   Thaum nws txais lawm ces koj hais ntxiv li nram no:

Ø Ib txoj cawv yog koj cawv koj txais kojtau nob tos....( hais tus tag sim neeg lub npe..)=(Ces ntaus tus txhib ntawg dua)...Yog nws lees lawm ces ?  Hais ntxiv tias:  Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg nob tos..(Tag txoj caw 1)

Ø Ib Txoj tag ob 2 txoj los yog koj cawv koj txais koj tau nob tos...(Hais tus tuag lub npe)... (ntaus tus txhib ntawg dua yog nws lees lawm ces hais ntxiv rau tias): Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav nob tos..(Tag txoj caw 2)

Ø 2 Txoj tag ob 3 txoj los yog koj cawv koj txais koj tau nob tos...(Hais tus tuag lub npe)... (ntaus tus txhib ntawg dua yog nws lees lawm ces hais ntxiv rau tias): Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg (lawm  ntuj tsiag teb tsaus) nob tos..(Tag txoj caw 3)

        Muab Txoj Hlua Khi Tus Tsiaj  Cob Rau Tus Tuag ntxhais Tes

Kom ib tug Tub Ki los tuav txoj hluas tsiaj rau ntawm tus Tuag tes :

(ces koj  ntaus Tus txhib ntawg  rau thiab koj hais rau tias: )..  Tuav 3 txoj caw rau koj tag lawm – (Hais tus ua muab tsiaj rau tus tuag . Example: Koj tub koj nyab Los yog: Koj Niam koj txiv …muab ib ncos tsiaj ntiag hnub rau koj,  Hlua tsiaj cob koj tes txoj txais  koj tau nob tas…(Rov ntaus tus txhib ntawg kom lees- Yog lees ces tshem txoj hluas ntawm tus tsiaj rub rov rau pem tus tuag –tag li no)

                     Ntawg Tshais - Su thiab ntawg Hmo  -

Tus Qhia: Txiv Hlob Txooj Pov Xyooj St.Paul,MN -USA

Nim nob os..(Tuav Tus Tag sim Neej Npe).....Tuav 3 txoj cawv rau koj haus tso yuav rau tshais rau koj noj, tso yuav rau qhua zej qhua zos tshais nob tos...(ntaus tus txhib ntawg)

(Qhia Kom Paub: Ntawg Tshais, Ntawg Su thiab ntawg Hmo ces hais tib yam nkaus xwb tsuas yog hloov lo lus tias seb yog pluas ntshais, pluas su los yog pluas hmo xwb. Saib raws qhov liab liab kos taum toj sawv hlov los lus ntawv xwb).

·       Nim nob os…(hais tus tuag lub npe)  tuav 3 txoj cawv rau koj haus tso yuav rau tshais rau koj noj koj txais koj tau nob tos….

Ø 1 txoj cawv rau koj koj txais koj tau nob tos...(hais  tus tag sim neej lub npe) ces ntaus tus ntxhib ntawg kom ib sab ntxeev ib sab khwb: (Yog tias lees lawm ces hais cov lus nram no ntxiv):  Nim nob os..(Hais tus tag sim neej lub npe)ploj ces txij koj 1 leeg ploj..qaug txij koj 1 leeg qaug.. Noj tsis taus ua tiag nqa, ..haus tsis taus ua tiag puag..yuav coj mus pub pog pub yawg noj..pub poj pub yawg haus yuav mus diav pog diav yawg nob tos...!

Ø 1 txog tag 2 txoj los yog koj cawv ..koj txais koj tau nob tos..! (Yog tus txhib ntawg lees lawm ces rov hais dua tias): Nim nob os..(Hais tus tag sim neej lub npe)ploj ces txij koj 1 leeg ploj..qaug txij koj 1 leeg qaug.. Noj tsis taus ua tiag nqa, ..haus tsis taus ua tiag puag..yuav coj mus pub pog pub yawg noj..pub poj pub yawg haus yuav mus diav pog diav yawg nob tos...

Ø 2 txog tag 3 txoj los yog koj cawv ..koj txais koj tau nob tos..! (Yog tus txhib ntawg lees lawm ces rov hais dua tias): Nim nob os...(Hais tus tag sim neej lub npe) ploj ces txij koj 1 leeg ploj..qaug txij koj 1 leeg qaug.. Noj tsis taus ua tiag nqa, ..haus tsis taus ua tiag puag..yuav coj mus pub pog pub yawg noj..pub poj pub yawg haus yuav mus diav pog diav yawg nob tos...

Ntawg 3 txoj cawv rau nws lees tag ces

   (Hais ib qho mov rau rab diav, de los yog muab ib qho nqaij tso saum toj cov mov hauv dab diav ) hais ntxiv tias:

Ø Nim nob os...(Hais tus tag sim neej lub npe)...tuav 3 txog cawv rau koj haus tag...yuav rau tshais rau koj noj ..kuv ntawg koj txais koj tau nob tos..(Yog ntaus tus txhib ntawg lees lawm ces hais ntxiv tias:

Ø (Hais tus tag sim neej lub npe) ploj ces txij koj 1 leeg ploj..qaug txij koj 1 leeg qaug.. Noj tsis taus ua tiag nqa, ..haus tsis taus ua tiag puag..yuav coj mus pub pog pub yawg noj..pub poj pub yawg haus yuav mus diav pog diav yawg lawm nob tos...

          Ntawg Cob Ntawv

(Los yog hauv qhua ces hais tib yam nkaus saum no tsuas yog hloov me me tias : Nws niam , nws txiv , nws nyab nws nus muab nyiaj muab txiaj rau nws xwb. Nco ntsoov laig los yog tuav 3 txoj caw ua ntej koj  mus hais muab nyiaj ntxiag rau nws xwb.